न्युजर्सीमा महिला हिंशाबिरुद्ध नेपाली महिलाको साथमा अमेरिकन महिला समेत रातो फरियामा 

रातो राम्रो गुलियो मिठो बैस छदा खेरि भन्ने गीत संझेर या अर्को बर्षको तीज लाई अहिले देखि नै निम्ता दिन पनि यसरि रातो फरियामा पनि भेला भएका हैनन् l 
 
किशोरी देखि बृद्ध सम्म अमेरिकाको न्युजर्सीमा शहरमा लैंगिक हिंशाबिरुद्ध ऐक्यबद्धता जनाउन गत नोभेम्बर ११ तारिख शनिबार अमेरिकाको न्युजर्सीमा नेपाली महिला को साथमा अमेरिकन महिलाहरु समेत रातो फरियामा देखिए । न्युजर्सीमा रहेको स्वास्थ्य संस्था ‘केयर पोइन्ट’ अन्तरगत ‘हड्सन स्पीक्स’ले संचालन गरेको ‘बोलो बहन’ अभियानका क्रममा आयोजित ‘रेड सारी इभेन्ट’नामक कार्यक्रममा महिलाहरु रातो फरियामा उपस्थीत भएका थिए l 
 
न्युजर्सीको हड्सन काउन्टी(जिल्ला )मा घरेलु र यौनहिंशाको शिकार भएका दक्षिण एसियाली महिलाहरुलाई निशुल्क सेवा प्रदान गर्ने उदेश्यले स्पीक सिस्टर अर्थात् ‘बोलो बहन’ अभियान संचालन गरिएको हो । 
 
बंगाली, हिन्दी, अँग्रेजी तथा नेपाली भाषामा समेत यस पटक देखि सेवा विस्तार गरिएको छ । यसको साथै घरेलु तथा यौनहिंशाका पिडित नेपाली महिलाहरुलाई निशुल्क सहयोग गर्ने उद्देश्यले यो अभियान सुरु गरिएको हो । 
 
महिला सामाजिक कार्यकर्ता तथा महिला अधिकारकर्मी बिष्णुमाया परियार(मानार्थ विद्यावारिधि ) नेपाली समुदायको संयोजक भएकोले उहाँकै पहलमा रातो फरिया कार्यक्रमको आयोजना गरिएको हो । 
 
डा परियारले स्वागत मन्तब्य दिनुका साथै कार्यक्रमको उद्देश्यबारे प्रकाश परेकी थिइन् भने यौनहिंशाबिरुद्ध हड्सन स्पीककी कार्यक्रम निर्देशक नास्तासिया फ्लेश्चरले धन्यवाद ज्ञापन गरेकी थिइन् l 
 
कार्यक्रममा सीबीसी बैंकका अध्यक्ष तथा प्रमुख कार्यकारी अधिकारी थोमस कफलिन , जर्सी सिटीका काउन्सीलवुमन एट लार्ज जोयस वाटरम्यान, वुमन फर कजकी अध्यक्ष उमा पोखरेलले, साहित्यकार गिता खत्री , डा सामिना मिर्जा तथा कवियत्री शकुन्तला ज्ञवालीले कविता वाचन गरेकी थिइन् l 

Write a Reply or Comment

Your email address will not be published. Required fields are marked *

*