टेक्सासमा किराँत उभौली कार्यक्रम सम्पन्न

डालस, टेक्सास,अमेरिकामा रहेका किराँत धर्माबलम्बीहरुको राष्ट्रिय सम्मेलन तथा किराँत खिबेक्वा याक्वा लाधुंङशेमी सेवा ,चौथो बार्षिक किराँत उभौली कार्यक्रम टेक्सासको को डालस शहरमा विभिन्न कार्यक्रम गरि सम्पन्न भएको छ ।

किराँतहरुको केन्द्रिय संगठन किराँत कम्युनीटि अर्गनाइजेसन अफ अमेरिका र किराँत सोसाइटि अफ टेक्सास फर रिलीजन एण्ड कल्चरको संयुक्त आयोजना मे २६ देखि २८ सम्म चलेको सो कार्यक्रमको पहिलो दिन किराँत कम्यूनीटि अर्गनाइजेसनको राष्ट्रिय भेला तथा साधारणसभा र विज्ञहरुको सम्मेलन, दोस्रो दिन उभौली पुजा, प्रार्थना, साकेला नाच, किराँत भजनकिर्तन र धर्मगुरुहरुको साधारणसभा भएको थियो भने अन्तिम दिन सांस्कृतीक कार्यक्रम र किराँत धर्मको संरक्षण र प्रवर्धनमा भूमिका खेलेका विभिन्न व्यक्तित्वहरुलाइ सम्मान गरिएको थियो ।

अमेरिकामा रहेका किराँत परिवारहरुको विशाल जमघट रहको सो सम्मेलनमा ३५ राज्यका प्रतीनिधीहरुले आफ्नो राज्य संगठनको बार्षिक प्रतिवेदन प्रस्तुत गरेका थिए भने केन्द्रिय समीतीले आगामी बर्षको कार्ययोजना पेश गरेको किराँत कम्मूनीटि अर्गनाइजेसन अफ अमेरिकाका अध्यक्ष सुकमान सुब्वाले बताए ।“ आफ्नो कला, धर्म र संस्कृतीकोे संरक्षण गर्दै अमेरिका जस्तो बहुसांस्कृतिक मुलुकमा किराँत पहिचानलाइ सरकारि मान्यता दिलाउन हाम्रो प्रयास हो,”अध्यक्ष सुब्वाले भन्नुभयोे ।

“विश्वका मानवजातीको सुख, शान्ति र समृदिको लागी हेरक बर्षको उभौली पर्वमा भगवान तगेरा निगंवाभुमाङसंग हामी प्रार्थाना गर्ने गर्दछौँ ।” प्रमुख अतिथि एवं किराँत धार्मिक प्रशिक्षक तथा तुम मांगसेवासा गुर मनप्रसाद थलगंले भन्नुभयो । किराँत धर्मका प्राज्ञ प्रा.डा. नरेश लावती र रणबहादुर सुब्वाले किराँत संस्कृति बारे उठेका जिज्ञासाहरुको जवाफ दिनुभएको थियो ।

कार्यक्रममा संस्थाले प्रत्येक बर्ष प्रदान गर्ने पत्रकारिता सम्मान पत्रकार किरण मरहठ्ठालाइ प्रदान गरियो भने बरिष्ठ समाजसेवी सम्मान गणेश सुब्वालाइ प्रदान गरिएको थियो ।

उभौली र उधौली किराँत धर्मका दुइ ठुला पर्वहरु हुन् । जसमध्ये उधौली हिउँदमा मनाइन्छ भने उभौली अन्नपात राम्रो होस् भन्ने कामना गर्दैैै बर्षायाममा मनाइन्छ । यस अघि यो कार्यक्रम जर्जीया, ओहायो र टेनीसीमा सम्पन्न भएका थिए । अमेरिकाका ४१ राज्यहरुमा किराँतहरुको बसोवास रहेको छ । कार्यक्रममा करिब १ हजार किराँत धर्माबलम्विहरुको सहभागीता रहेकोे ओहायो राज्यप्रमुख सनमान सावाँले जानकारि दिए ।

Write a Reply or Comment

Your email address will not be published. Required fields are marked *

*